Respublika Təcili və Təxirəsalınmaz Tibbi Yardım Mərkəzinə Göyçay rayonu ərazisindən 24.03.2025-ci il tarixində saat 20:30 radələrində çağırış daxil olub və təcili tibbi yardım briqadası çağırış ünvanına cəlb olunub.

Bu barədə Aztibb.az-a Mərkəzdən xəbər verilib.

Təcili tibbi yardım briqadası tərəfindən 38 həftəlik hamilə olan və doğuş prosesi başlayan şəxsə zəruri tibbi yardımlar göstərilməyə başlanıb. Daha sonra isə tibbi heyət tərəfindən zahı qadın və yenidoğulmuş uşaq (cinsi qız) müvafiq tibb müəssisəsinə təxliyə olunub.

Xəstəxanada anaya və körpəsinə zəruri tibbi xidmətlər göstərilib.

Ananın müalicəsi davam etdirilir, vəziyyəti stabildir. Cinsi qız, çəkisi 2 kq. 600 qr., boyu 49sm. olan körpənin müalicəsi isə Uşaq şöbəsində davam etdirilir. Körpənin də vəziyyəti qənaətbəxşdir.