Naxçıvan Muxtar Respublikasının səhiyyə naziri Samiq Sadıxov vətəndaşlarla görüşərək onların müraciətlərini dinləyib.
Nazirlikdən Aztibb.az-a verilən xəbərə görə, qəbul zamanı sakinlərin səhiyyə sahəsində qarşılaşdıqları məsələlər, tibbi xidmətlərin keyfiyyəti və əlçatanlığı ilə bağlı təklifləri müzakirə olunub.
Vətəndaşların müraciətləri diqqətlə dinlənilib və qaldırılan məsələlərin operativ həlli üçün müvafiq tapşırıqlar verilib. Nazir bildirib ki, səhiyyə sahəsində vətəndaş məmnuniyyətinin artırılması və tibbi xidmətlərin daha da təkmilləşdirilməsi daim diqqət mərkəzindədir.
Qəbulda iştirak edən vətəndaşlar onların müraciətlərinə həssas yanaşıldığını qeyd edərək göstərilən diqqətə görə minnətdarlıqlarını bildiriblər.
Naxçıvan MR Səhiyyə Nazirliyində gələcəkdə də vətəndaş qəbullarının davam etdiriləcəyi və vətəndaşların sağlamlıqla bağlı müraciətlərinə operativ yanaşılacağı vurğulanıb.
