Naxçıvan Muxtar Respublikası Səhiyyə naziri Samiq Sadıxov Ordubad Rayon İcra Hakimiyyətində vətəndaşları qəbul edib.

Nazirılikdən Aztibb.az-a verilən məlumata görə, qəbuldan əvvəl nazir Samiq Sadıxov və Ordubad Rayon İcra Hakimiyyətinin başçısının birinci müavini Elvin Məmmədov, ümummilli lider Heydər Əliyevin büstü önünə güllər qoyaraq onun əziz xatirəsini ehtiramla yad ediblər.

Qəbulda nazirliyin aidiyyəti struktur bölmələrinin rəhbərləri də iştirak ediblər. Qəbulda əsasən əlillik məsələləri, işlə bağlı təminat, müayinə və müalicə ilə əlaqədar müraciətlər irəli sürülüb. Ümumilikdə, 11 nəfər vətəndaşın müraciətinə baxılıb. Müraciətlərin bir hissəsi yerindəcə həll edilib, qalan məsələlər isə qanunvericiliyə uyğun şəkildə həll edilməsi üçün müvafiq tapşırıqlar verilərək, aidiyyəti qurumlara yönləndirilib.

Vətəndaşların müraciətlərinə diqqətlə yanaşılaraq, onların problemlərinin həlli istiqamətində müvafiq tədbirlər görüləcəkdir.