Respublika Təcili və Təxirəsalınmaz Tibbi Yardım Mərkəzinə Qaradağ rayonu ərazisindən çağırış daxil olub.

 

Mərkəzdən Aztibb.az-a verilən xəbərə görə, çağırış ünvanına təcili tibbi yardım briqadası cəlb olunub.

 

Təcili tibbi yardım həkimi Elvin Əliyev tərəfindən 33 həftəlik hamilə olan şəxsin vaxtından əvvəl doğuş prosesi yaşayış ünvanında icra olunub. Daha sonra isə briqada tərəfindən doğuş prosesi təcili tibbi yardım avtomobilində nəzarətə götürülüb.

 

Tibbi heyət tərəfindən zahı qadın və yenidoğulmuş uşaq (oğlan) müvafiq tibb müəssisəsinə təxliyə olunub.

 

Xəstəxanada anaya və körpəsinə zəruri tibbi xidmətlər göstərilib.

 

Ananın müalicəsi tibb müəssisəsində davam etdirilir, vəziyyəti stabildir. Cinsi oğlan, çəkisi 2 kq. 200 qr., boyu 45 sm. olan körpənin müalicəsi davam etdirilir. Körpənin də vəziyyəti qənaətbəxşdir.

 

Vətəndaşın ailə üzvləri tərəfindən təcili tibbi yardım heyətinə göstərdikləri tibbi xidmətə görə təşəkkür olunub.