Öd daşı əməliyyatı keçirən pasiyentlər oruc tutan zaman diqqətli olmalıdırlar!

Aztibb.az xəbər verir ki, bu barədə Referans Poliklinik Bayıl filialının terapevt-hepatoloqu Havva Bayramova məlumat verib.

Həkim bildirib ki, bəzən bu pasiyentlərdə öd şirəsi birbaşa onikibarmaq bağırsağa açıldığı üçün eroziyalar, reflü, qastrit inkişaf edə bilir. Bu zaman səhər yeməyini mütləq yemək lazımdır və yeməkdən əvvəl həkim tərəfindən təyin olunmuş mədə qoruyucu içmək məsləhətdir.

Onun sözlərinə görə, orucu açdıqda mümkün qədər çox yüngül qidalanmaq lazımdır, çünki həzm prosesində ləngimə ola bilər və pasiyentlərdə köp, şişkinlik, gəyirmə kimi şikayətlər meydana gələ bilər.