Bakı Sağlamlıq Mərkəzi həkimləri, Xətai rayonunda yerləşən 3 saylı Uşaq Evini ziyarət edərək, uşaqların müayinəsini həyata keçiriblər. 

 

Aztibb.az-a Mərkəzdən verilən məlumata görə, müayinə zamanı Xipiyev Telman adlı uşağın nəfəs alması ilə bağlı problemlər olduğu aşkar edilib.

 

Daha sonra, Telman Bakı Sağlamlıq Mərkəzində tam ətraflı müayinədən keçirilib. Həkimlər Xroniki tonzilit, Adenoidlərin hipertrofiyası 3-cü dərəcə olduğunu müəyyən ediblər. Bu vəziyyət onun nəfəs almağında çətinliklərə səbəb olurdu.

 

Bakı Sağlamlıq Mərkəzi Telman Xipiyevin əməliyyatını öz üzərinə götürərək, ona müvafiq müalicə və əməliyyat prosedurları tətbiq edib. Mərkizimizin həkim otorinolarinqoloqu Turan Nəbizadə tərəfindən əməliyyatın uğurla başa çatması nəticəsində, Telman yenidən sağlamlığına qovuşub və həyat keyfiyyəti yaxşılaşıb.

 

Bakı Sağlamlıq Mərkəzinin icraçı direktoru Asiman Həsənov və baş həkim müavini, həkim terapevt Günay İsmayılova əməliyyat sonrası pasiyenti ziyarət ediblər.