Respublika Təcili və Təxirəsalınmaz Tibbi Yardım Mərkəzindən Aztibb.az-a bildirilib ki, Şirvan şəhər ərazisindən 24 yaşlı hamilə qadının doğuş səbəbilə çağırış daxil olub və dərhal təcili tibbi yardım briqadası çağırış ünvanına cəlb olunub.

 

Təcili tibbi yardım həkimi Xəyalə Süleymanova tərəfindən 38 həftəlik hamilə olan və doğuş prosesi başlayan şəxsə zəruri tibbi yardımlar göstərilməyə başlanıb. Belə ki, göbək ciyəsi 2 qat dolanmış formada, dəri və selikli qişaları sianozlaşmış və tənəffüs pozğunluğu ilə dünyaya gələn körpəyə təcili müdaxilə edilib, göbək ciyəsi kəsilərək ayrılıb, cift çıxarılıb.

 

Tibbi heyət tərəfindən zahı qadın və yenidoğulmuş uşaq (cinsi oğlan) Şirvan şəhər Mərkəzi Xəstəxananın Doğum evi şöbəsinə hospitalizasiya olunub.

 

Xəstəxanada anaya və körpəsinə zəruri tibbi xidmətlər göstərilib.

 

Ananın müalicəsi davam etdirilir, vəziyyəti stabildir. Cinsi oğlan, çəkisi 2 kq. 900 qr., boyu 49sm. olan körpənin müalicəsi isə Uşaq şöbəsində davam etdirilir. Körpənin də vəziyyəti qənaətbəxşdir.