30 illik həsrətdən sonra arzularımız çin oldu. Müzəffər Ali Baş Komandan, Prezident İlham Əliyevin rəhbərliyi ilə sentyabrın 27-dən başlayan Vətən müharibəsi şanlı qələbə ilə başa çatdı. 44 gün davam edən hərbi əməliyyatlar çərçivəsində Azərbaycan Ordusu Ermənistanın 30 il ərzində bizim ərazilərdə qurduqları istehkamları darmadağın edərək, cəsarətlə irəlilədi, mənfur düşmənin zəbt etdiyi torpaqları qarış-qarış qaytardı.

 

Aztibb.az xəbər verir ki, bu fikirləri Azərbaycan Tibb Universitetinin rektoru, professor Gəray Gəraybəyli deyib. 

 

O, qeyd edib ki, uzun illər düşmən tapdağı altında qalan torpaqlarımızın hamısının, hər bir kəndimizin, hər bir yaşayış məntəqəmizin üzərində tezliklə, çox tezliklə Azərbaycan bayrağı dalğalanacaq:

 

"Azərbaycan Ordusu və xalqımız məhz Ali Baş Komandan İlham Əliyevin başçılığı ilə bu zəfərə imza ata bildi. Yaşasın Ali Baş Komandan, eşq olsun Azərbaycan ordusuna! Bu qələbə uğrunda canını qoyan şəhidlərimizin ruhu qarşısında baş əyir, Allahdan onlara rəhmət, yaralanan əsgərlərimizə isə şəfa diləyirəm!

 

Ölkə prezidenti cənab İlham Əliyevin də dediyi kimi: "Bu, bizim tarixi qələbəmizdir! Qarabağ bizimdir, Qarabağ Azərbaycandır!"