Türkiyənin "Uluslararası Çalışma Örgütü"nün direktoru Yasser Hassan, "Səhiyyə sektoru süni intellektdən ən çox təsirlənənlərdən biri olacaq. Bundan əlavə, inzibati iş, pərakəndə satış və bank sektorları da süni intellektdən çox təsirlənəcək", - deyə bildirib.

Aztibb.az "AA"ya istinadən yazır ki, Yasser Hassan süni intellektin əmək bazarına təsirindən bəhs edərək, süni intellektin iş həyatına təsir etdiyini, süni intellektdən əvvəl də texnologiya və rəqəmsallaşma ilə gələn dəyişikliklərin şahidi olduqlarını və bunun davamlı olaraq davam edən bir proses olduğunu izah edib.

“Süni intellektin ən çox təsir edəcəyi 4-5 peşə və ya sektor var”

Təşkilatın bu məsələ ilə bağlı araşdırma apardığını və müəyyən nəticələr əldə etdiyini bildirən direktor aşağıdakıları qeyd edib:

"Süni intellektdən ən çox təsirlənəcək 4-5 peşə və ya sektor var. Səhiyyə sektoru süni intellektdən ən çox təsirlənənlərdən biri olacaq. Bundan əlavə, inzibati iş yerləri, pərakəndə satış və bank sektorları da süni intellektdən çox təsirlənəcək. Eyni zamanda, bu sahələr istehsal sektoru üçün də təsirlənir."

Süni intellektin səhiyyə sahəsində iş həyatında çox şeyi dəyişəcəyinə işarə edən direktor, "Biz süni intellektin iş yerlərini tamamilə yox etməyəcəyini, əksinə onları dəyişdirəcəyini düşünürük. Ona görə də bu mövzuları nəzərə almalıyıq. Hansı iş yerləri yox olacaq, hansı növ iş yerləri yaranacaq?", -deyə qeyd edib.