Ümumdünya Səhiyyə Təşkilatı (ÜST) bildirib ki, dünyada təxminən 1,8 milyard yetkin insan kifayət qədər fiziki fəaliyyət göstərmədiyi üçün xəstəlik riski altındadır.

Aztibb.az-ın medimagazin.com.tr-yə istinadla xəbərinə görə, bu statistika ÜST-nin qlobal fiziki fəaliyyət və məşq nisbətləri haqqında hesabatında dərc edib.

Hesabatda yetkinlərdə hərəkətsizlik nisbətinin 2010-2022-ci illər arasında 5 faiz artdığı və artımın bu şəkildə davam edəcəyi təqdirdə 2030-cu ilə qədər hərəkətsizlik səviyyəsinin 35 faizə yüksələcəyi qeyd edilib.

Həmçinin hərəkətsizliyin böyüklərdə infarkt, insult, 2-ci tip diabet, demans və xərçəng kimi xəstəliklərə səbəb olduğu vurğulanıb.

Hesabatda qlobal hərəkətsizlik nisbətinin qadınlarda 34 faiz olduğu halda, kişilərdə bu nisbətin yüzdə 29 olduğu, bəzi ölkələrdə bu fərqin yüzdə 20-yə çatdığı bildirilib.