Qəzza zolağında hökumət İsrailin davam edən hücumları nəticəsində yoluxucu xəstəliklərdən əziyyət çəkən köçkünlərin sayının təxminən 1,5 milyon nəfərə çatdığını açıqlayıb.

Aztibb.az-ın medimagazin.com.tr-yə istinadla məlumatına görə, açıqlamada yoluxucu xəstəliyə yoluxanların sağalıb-sağalmaması ilə bağlı məlumat verilməyib.

Həmçinin 2 milyon 400 min əhalisi olan Qəzza zolağında oktyabrın 7-dən bu yana məcburi köçkünlərin sayının 2 milyona çatdığı bildirilib.

Açıqlamada, İsrailin 7 oktyabrdan bəri davam edən blokadası və hücumları nəticəsində Qəzza zolağında 3500 uşağın aclıqdan ölmək təhlükəsi ilə üzləşdiyi, Qəzza zolağından kənarda müalicəyə ehtiyacı olan 10 min xərçəng xəstəsinin həyatının da risk altında olduğu xəbərdarlığı edilib.