Mərkəzi Gömrük Hospitalının mama-ginekoloqu, t.ü.f.d. Sədi Allahverdiyev İtaliyanın Salerno şəhərində keçirilən “GynItaly 2024” beynəlxalq ginekoloji konfransında iştirak edib.

 

Hospitaldan Aztibb.az-a verilən məlumata görə, o, konfransda “Keysəriyyə çapıq hamiləliyi. İntraarterial metotreksat yeridilməsi ilə uşaqlıq arteriyaları embolizasiyası. Döl kisənin PlazmoKinetik bipolyar rezektoskopla xaric edilməsi” mövzusunda təqdimatla çıxış edib.

 

Azırbaycanlı həkimin çıxışı iştirakçılar tərəfindən böyük maraqla qarşılanıb, mövzu ətrafında diskussiyalar aparılıb.

 

Tədbirdə Azərbaycan mama-ginekoloqları 50 nəfərdən çox olan  heyətlə təmsil olunub. Azərbaycanlı həkimlər 10 video və oral prezentasiyalarla müxtəlif panellərdə çıxış ediblər.

 

Dünyanın 67 ölkəsindən 1035 mütəxəssisin iştirak etdiyi, endovizual cərrahiyyənin ən son yeniliklərinə həsr edilmiş bu konfrans həm endoskopik cərrahiyyədə yenilikləri öyrənmək, həm də ölkəmizi xaricdə tanıtmaq baxımından əlverişli olub.