Mircəlal Kazımi: "Qaraciyər sirrozunda zamanlama doğru seçildiyi anda transplantasiya bir çox səbəbdən məqsədəuyğundur"
05.06.2024 10:14
Qaraciyər sirrozunda zamanlama doğru seçildiyi, yəni qaraciyər transplantasiyasına göstəriş olduğu anda insanı yaşadan qaraciyər transplantasiyasının icra olunması bir çox səbəbdən məqsədəuyğundur.
 
Bu barədə Aztibb.az-a məlumat verən ümumi cərrah, Mərkəzi Gömrük Hospitalının Cərrahiyyə və Orqan transplantasiyası şöbəsinin rəisi, t.ü.f.d. Mircəlal Kazımi bildirib ki, əməliyyatı gecikdirilən bu xəstələrin təqribən 20-35%-də portal, yəni qapı venasında, eləcə də bütün portal sistemdə xroniki trombozun əmələ gəlmə ehtimalı var. Bu isə, xəstələrdə qaraciyər transplantasiyasına nisbi/mütləq əks göstəriş yaradır.
Qısacası bu qrup xəstələr əməliyyat şansını itirirlər.
 
Transplantoloq qeyd edib ki, 95% portal damarı tromboz olan xəstə, bu sahədə yetərli təcrübəsi olan komandamız tərəfindən qaraciyər transplantasiyası olunub.
 
O, böyrək və qaraciyər transplantasiyası əməliyyatlarının İcbari Tibbi Sığorta üzrə Dövlət Agentliyinin Xidmətlər Zərfi çərçıvəsində icra olunduğunu diqqətə çatdırıb.
 
Nərgiz Qəhramanova
Müəllifin digər yazıları
ÇOX OXUNANLAR