“Yaşıl dünya naminə həmrəylik ili” ilə əlaqədar Bakı Baş Səhiyyə Mərkəzinin strukturuna daxil olan tibb müəssisələrində də ağacəkmə aksiyası davam etdirilir.

 

Mərkəzdən Aztibb.az-a bildirilib ki, bütün tabeli tibb müəssisələrinin qoşulduğu bu aksiyanın əsas məqsədi insanların diqqətini təbiətin qorunmasına, onun daha da yaxşılaşmasına cəlb etmək, ətraf mühitin mühafizəsinə, yaşıllıq zolaqlarının genişləndirilməsinə töhfə vermək və ekoloji mədəniyyəti təbliğ etməkdir.

 

Belə ki, tibb müəssisələrinin şəxsi heyətinin iştirakı ilə keçirilən ağacəkmə aksiyasında tibb müəssisələrinin yerləşdiyi ərazilərdə iqlim şəraitinə uyğun dekorativ və meyvə ağacları, gül kolları əkilib, yeni əkilmiş ağaclara aqrotexniki qulluq göstərilib, ağaclar suvarılıb və gələcək mühafizəsi məqsədilə zəruri tədbirlər görülüb. Eyni zamanda, quru ağaclar budanaraq, ümumi sanitar-təmizlik işləri görülüb.