4 yaşlı uşaq anasının bağışladığı böyrəklə həyata bağlandı
04.06.2024 13:52
4 yaşlı, 20 kq çəkisi olan uşaq anasının bağışladığı böyrəklə yenidən sağlam həyata bağlandı.
 

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov sosial şəbəkədə məlumat paylaşıb.

 

Məlumatda bildirilir: "Bir il əvvəl ciddi sağlamlıq problemləri yaşayan xəstəmiz Mərkəzi Klinikanın Uşaq reanimasiyası şöbəsinə yerləşdirildi. Uşaq reanimatoloqlarının və nefroloqların birgə səyləri nəticəsində həyatda qalmağı bacaran xəstədə xroniki böyrək çatışmazlığı başladığı üçün o, həftədə 2 dəfə dializə girmək məcburiyyətində qaldı.
 
Aparılan müayinələr nəticəsində xəstəyə HÜS ( Hemolitik Uremik Sindrom) və Alport sindromu diaqnozları qoyuldu. Dializ prosedurlarında ciddi problemlər yaşadığı üçün tək çıxış yolu böyrək köçürülməsi oldu.
 
Uyğun əməliyyatönü hazırlıqdan sonra xəstəmizə anasının bağışladığı böyrəyi uğurla nəql etdik. Əməliyyatdan 3 gün sonra donoru evə göndərdik, sabah isə xəstəmizi evə göndərməyi planlaşdırırıq".
 
Transplantoloq Tariyel Nadirov bu məsuliyyətli əməliyyatı həyata keçirməkdə əməyi olanlara təşəkkür edib.
 
Həkim bildirib ki, HÜS diaqnozu qoyulmuş xəstələr böyrək köçürülməsi üçün ən riskli xəstələr qrupu hesab edilir. Çünki, bu xəstələrdə əməliyyat əsnasında köçürülən böyrəyin itirilmə ehtimalı olur. Bu səbəbdən belə xəstələr əməliyyatdan öncə ciddi şəkildə xüsusi gedişatlı təyinatla hazırlanaraq əməliyyata götürülməlidir.
Nərgiz Qəhramanova
Müəllifin digər yazıları
ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Lənkəranda bir qrup tibb işçisi peşə bayramları münasibətilə təltif edilib
Tibb işçilərinin dayanıqlı və “yaşıl” səhiyyə naminə həmrəy peşə bayramı
17 iyun - Tibb İşçilərinin Peşə Bayramı Günüdür
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
 Azərbaycan tibb elminə ağır itki üz verib   
“Həkimlərimizi tanıyaq!” rubrikası peşəkar təbiblərimizi tanıtmaqda davam edir!
Suraxani Tibb Mərkəzinin otorinolarinqoloqu Zərifə Məmmədova - Həkimlərimizi tanıyaq!
Gənc həkim Göyçay Rayon Mərkəzi Xəstəxanasında işə başlayıb
Uşaqların sağlamlığının keşiyində duran mehriban və diqqətcil pediatr - Nigar Mirzəyeva
Qan vermək insanlarda ürək-damar sisteminin fəaliyyətini normallaşdırır - MÜSAHİBƏ
Vətən müharibəsi şəhidinin yenidoğulan qardaşı sağalaraq evə buraxılıb
Tibb İşçilərinin Peşə Bayramı Günü münasibətilə bir qrup tibb işçisi təltif edilib
Xətai Tibb Mərkəzinin mama-ginekoloqu Şərifə Musayeva - Həkimlərimizi tanıyaq!
 Tibb Universitetində təhsil alan türkman tələbələr Multikulturalizm Mərkəzində olublar