Qanköçürmə nəticəsində HİV və hepatitə yoluxmuş britaniyalılar Böyük Britaniya hökumətinə qarşı ikinci iddianı qaldırıblar.

Aztibb.az xəbər verir ki, bu barədə “Evening Standard” qəzeti yazıb.

Jurnalistlər qeyd ediblər ki, köhnə məhkəmə prosesi 2018-ci ildə dayandırılıb, lakin əlli il əvvəl baş vermiş geniş miqyaslı infeksiya ilə bağlı araşdırmanın nəticələrinə dair dərc edilmiş müstəqil hesabat sayəsində onun davam etdirilməsi lazım gəlib. Hesabatda bildirilirdi ki, Böyük Britaniya səlahiyyətliləri infeksiyaların kütləvi xarakterini tanımır və vaxtında müvafiq tədbirlər görmür.

Xatırladaq ki, ötən əsrin 70-80-ci illərində 30 minə yaxın britaniyalı qanköçürmə yolu ilə HİV və hepatit C-yə yoluxmuşdu. Baş nazir Rişi Sunak bu qalmaqalda səlahiyyətlilərin hərəkətsizliyinə görə vətəndaşlardan üzr istəyib. Daha sonra Böyük Britaniya hökuməti qalmaqalın qurbanlarının 2,6 milyon funt-sterlinqə (təxminən 300 milyon rubl) qədər təzminat ala biləcəklərini açıqlayıb.