Respublika Təcili və Təxirəsalınmaz Tibbi Yardım Mərkəzinin briqadaları II və III ixtisas qrupları üzrə ali təhsil müəssisələrinə qəbul imtahanlarının keçirildiyi ərazilərə təhkim olunub.

 

TƏBİB-dən Aztibb.az-a bildirilib ki, Dövlət İmtahan Mərkəzi tərəfindən mayın 26-da II və III ixtisas qrupları üzrə ali təhsil müəssisələrinə qəbul imtahanı keçirilib.

 

İmtahanlar Bakı, Naxçıvan, Gəncə, Şəmkir, Qazax, Ağstafa, Sumqayıt, Abşeron, Şamaxı, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Cəlilabad, Masallı, Quba və Xaçmazda təşkil olunub.

 

Şagirdlərin tibbi xidmət ehtiyacının yarana bilmə ehtimalı nəzərə alınaraq qeyd olunan ərazilər üzrə təcili tibbi yardım briqadaları xidmətdə olub.

 

Tibbi xidmətə ehtiyacı olan şəxslərə dərhal yerində yardım olunub.