İlk öncə Xəstəxananın ASM bölməsinin həkim-ginekoloqu Lalə Tinayeva arzuolunmaz hamiləlikdən qorunma üsulları haqqında məlumat verib. O, kontrasepsiyanı və onun növlərini izah edib.

 

Daha sonra Qazma həkim məntəqəsinin həkim-terapevt Pəri Əzizova sağlam həyat tərzinə gənc yaşlarda vərdiş edək mövzusunda çıxış edib. Bildirib ki, sağlam həyat tərzi insanın davranış risk faktorlarına nəzarət etməklə sağlamlığı qorumağa və qeyri-infeksion xəstəliklər riskini azaltmağa kömək edən yaşam tərzidir. Sağlam həyat tərzi tütündən, alkoqoldan və narkotik vasitələrdən imtina, balanslaşdırılmış qidalanma, fiziki aktivlik, psixi sağlamlığın möhkəmləndirilməsi və sağlamlığın möhkəmləndirilməsi üzrə digər tədbirləri əhatə edir.

 

Diqqətə çatdırılıb ki, həyat tərzi prinsipləri adətən gənc yaşlarda möhkəmlənir, ona görə də sağlam həyat tərzini inkişaf etdirmək üçün həmin yaşlarda sağlam həyat tərzinin formalaşması vacibdir. Gənclikdə formalaşmış vərdişlər çox vaxt yetkinlik dövründə də davam edir.

 

Hər iki çıxışdan sonra mövzular ətrafında dəyirmi masa iştirakçılarının suallarına aydınlıq gətirilib.