Azərbaycan əsilli ilk Nobel Sülh mükafatçısı ATU-nun qonağı olub  
22.05.2024 11:28

Azərbaycan əsilli ilk Nobel Sülh mükafatçısı Bəxtiyar Siracov Azərbaycan Tibb Universitetinin (ATU) qonağı olub.

 

ATU-dan Aztibb.az-a verilən məlumata görə, universitetin İnsan anatomiyası və tibbi terminologiya kafedrasını ziyarət edən azərbaycanlı alim "Anatomiya muzeyi" ilə yaxından tanış olub.

 

ATU-nun Elmi işlər üzrə prorektoru, professor Rauf Bəylərov, İnsan anatomiyası və tibbi terminologiya kafedrasının müdiri, dosent Anar Abdullayev qonağa universitetin fəaliyyəti, o cümlədən İnsan anatomiyası və tibbi terminologiya kafedrasının işi haqqında məlumat veriblər.

 

Kafedra nəzdində yaradılan "Anatomiya muzeyi"ndə 6 mindən artıq eksponatın yerləşdiyi muzeyin, tibb təhsili alan tələbələr üçün əhəmiyyəti qeyd edilib. ATU-nun İnsan anatomiyası və tibbi terminologiya kafedrasını ziyarət edən Bəxtiyar Siracov ziyarətindən məmnun qaldığını bildirib. O, Azərbaycanda təhsil aldığı illəri, müəllimlərini xatırlayaraq, istənilən dövlətin inkişafında elmin böyük rol oynadığını qeyd edib. ATU-nun məzunlarının bu gün dünyanın nüfuzlu elm mərkəzləri və xəstəxanalarında çalışdığını bildirən B.Siracov görüş üçün universitet rəhbərliyinə təşəkkürünü bildirib.

 

Qeyd edək ki, 26 il ərzində Atom Enerjisi üzrə Beynəlxalq Agentliyində (AEBA) çalışan Bəxtiyar Siracov Norveç Sülh Komitəsinin qərarı ilə 2005-ci ildə Nobel Sülh mükafatına layiq görülən ilk azərbaycanlı alimdir.

Nərgiz Qəhramanova
Müəllifin digər yazıları
ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Lənkəranda bir qrup tibb işçisi peşə bayramları münasibətilə təltif edilib
Tibb işçilərinin dayanıqlı və “yaşıl” səhiyyə naminə həmrəy peşə bayramı
17 iyun - Tibb İşçilərinin Peşə Bayramı Günüdür
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
 Azərbaycan tibb elminə ağır itki üz verib   
“Həkimlərimizi tanıyaq!” rubrikası peşəkar təbiblərimizi tanıtmaqda davam edir!
Suraxani Tibb Mərkəzinin otorinolarinqoloqu Zərifə Məmmədova - Həkimlərimizi tanıyaq!
Gənc həkim Göyçay Rayon Mərkəzi Xəstəxanasında işə başlayıb
Uşaqların sağlamlığının keşiyində duran mehriban və diqqətcil pediatr - Nigar Mirzəyeva
Vətən müharibəsi şəhidinin yenidoğulan qardaşı sağalaraq evə buraxılıb
Qan vermək insanlarda ürək-damar sisteminin fəaliyyətini normallaşdırır - MÜSAHİBƏ
Tibb İşçilərinin Peşə Bayramı Günü münasibətilə bir qrup tibb işçisi təltif edilib
Xətai Tibb Mərkəzinin mama-ginekoloqu Şərifə Musayeva - Həkimlərimizi tanıyaq!
 Tibb Universitetində təhsil alan türkman tələbələr Multikulturalizm Mərkəzində olublar