Sağ əsas bronxuna ləpə düşmüş 1 yaşlı uşaq Mərkəzi Klinikada əməliyyat olunub.

 

Aztibb.az xəbər verir ki, bu barədə Mərkəzi Klinikanın uzman uşaq cərrahı Fuad Hüseynov sosial şəbəkədə məlumat paylaşıb.

 

Həkim bildirib ki, rentgen və Kt zamanı yad cisimin sağ əsas bronxda olduğunu gördük. Xəstə təcili əməliyyata alındı. Laparoskopik yolla yad cisim (ləpə) xaric edildi.

 

"Valideynlərin diqqətini xüsusilə 5 yaşa qədər uşaqlar arasında ehtiyat tədbirlərinin vacibliyinə cəlb etmək istərdim. Övladlarınızın kiçik oyuncaqlarla oynamasına icazə verməyin və onlara qoz-fındıq və s. kimi qidalar verməyin. Nəfəs borusuna qaçmış yad cisim ağır nəticələrə, o cümlədən ölümə səbəb ola bilər", - deyə Fuad Hüseynov qeyd edib.