Milli Məclisin Səhiyyə Komitəsinin sədri akademik Əhliman Əmiraslanov Milli Məclisin inzibati binasında növbəti vətəndaş qəbulu keçirib.

Aztibb.az-a Komitədən bildirilib ki, Əhliman Əmiraslanov vətəndaşları fərdi qaydada qəbul edərək müraciət və təkliflərini dinləyib, onların problemləri ilə maraqlanıb.

Müraciətlər əsasən, vətəndaşların müayinə və müalicəsi, ödənişsiz əməliyyatlar, əlillik və əmək pensiyaları ilə bağlı, ev və işlə təmin olunması, əfv məsələləri və digər sosial məsələlərlə bağlı olub.

Müraciətlərin bir hissəsi yerindəcə həllini tapıb, digər müraciətlər isə nəzarətə götürülərək həll edilməsi üçün aidiyyatı qurumlarla əlaqə yaradılıb.