Ağ Evin sözçüsü Karine Jean-Pierre, Qəzzada xəstəxanada sıxışan və bölgəni tərk edə bilməyən 19 ABŞ həkimini xilas etmək üçün "əllərindən gələni etdiklərini" söyləyib.

Aztibb.az-ın medimagazin.com.tr-yə istinadla xəbərinə görə, gündəlik mətbuat brifinqində Jean-Pierre Qəzzadakı son vəziyyət və orada qapalı qalan ABŞ vətəndaşı həkimlər haqqında qiymətləndirmələr edib.

Qəzzada işlədikləri Avropa Xəstəxanasından çıxa bilməyən və Rəfah Sərhəd Qapısının bağlanması səbəbindən bölgədə qapalı qalan həkimlərin ailələri, qohumları və İsrail rəsmiləri ilə daim təmasda olduqlarını ifadə edən Jan-Pierre 19 ABŞ həkiminin bölgəni ən qısa zamanda tərk edə bilməsi üçün bütün lazımi işləri gördüklərini bildirib.

Digər tərəfdən, Ağ Ev sözçüsü İsrailin Rəfaha qarşı böyük bir hücuma keçməməsi ilə bağlı həssaslıqlarını bir daha dilə gətirib və belə bir hücumu dəstəkləmədiklərini vurğulayıb.