Naxçıvan Muxtar Respublikası Səhiyyə Nazirliyi, Naxçıvan Muxtar Respublikası İctimai Səhiyyə Xidməti və Azərbaycan Respublikasi Xüsusi Təhlükəli İnfeksiyalara Nəzarət Mərkəzinin birgə təşkilatçılığı ilə “Xüsusi təhlükəli zoonoz infeksiyalarına epidemioloji nəzarətin təşkilinin prinsipləri” mövzusunda seminar keçirilib.

Naxçıvan MR Səhiyyə Nazirliyindən Aztibb.az-a verilən xəbərə görə, seminarda İctimai Səhiyyə Xidmətinin direktor vəzifələrini müvəqqəti icra edən Pəri Əliyeva çıxış edərək xüsusi təhlükəli infeksiyalara nəzarətin gücləndirilməsi ve maarifləndirmənin vacibliyini vurğulamyıb.

Daha sonra Azerbaycan Respublikası Xüsusi Təhlükəli İnfeksiyalara Nəzarət Mərkəzinin direktor müavini tibb üzrə fəlsəfə doktoru, dosent Rita İsmayılova "Xüsusi təhlükəli infeksiyalar üzrə epidemioloji nəzarətin təşkilinin prinsipləri" və həmin mərkəzin Xüsusi təhlükəli patogenlərin epidemioloji tədqiqatlar şöbəsinin müdiri Kəmalə Əmirova “Tulyaremiyanin epidemiologiyasi və profilaktikası” mövzusunda məruzələrlə çıxış edib. Bundan başqa, Naxçıvan MR Yoluxucu Xəstəliklər Mərkəzinin həkim infeksionisti, infeksion xəstəliklər və klinik mikrobiologiya üzrə uzman həkim Dilrubə Qaraşova "Bbrusselyoz, tulyaremiyanın differensial diaqnostikası və müalicəsi" adlı məruzəsini təqdim edib.