Ümumdünya Səhiyyə Təşkilatının (ÜST) məlumatına görə, dünyada hər gün 3500 nəfər hepatit B və C infeksiyaları səbəbindən ölür.

Aztibb.az-ın medimagazin.com.tr-yə istinadla xəbərinə görə, ÜST-nin dərc etdiyi “2024 Qlobal Hepatit Hesabatı”nda hepatitdən ölüm hallarının artdığı bildirilib.

Hesabatda hər il 1,3 milyon insanın viral hepatitdən dünyasını dəyişdiyi qeyd edilərkən, hepatitin dünyada yoluxucu xəstəliklərdən ölüm hallarına görə ikinci yeri tutduğu qeyd olunub.

Ümumdünya Səhiyyə Təşkilatının 187 ölkədən aldığı yeni məlumatlara əsasən, viral hepatitdən ölənlərin təxmini sayı 2019-cu ildə 1,1 milyon idisə, 2022-ci ildə bu rəqəm 1,3 milyona yüksəlib: “Ölümlərin 83 faizi hepatit B, 17 faizi isə hepatit Bdən olub. Hepatit B və C infeksiyaları səbəbindən dünyada hər gün 3500 insan ölür." 

Hesabatda qeyd olunub ki, 2022-ci ildə 254 milyon insan hepatit B, 50 milyon insan isə hepatit C virusuna yoluxub.