11 aprel - Ümumdünya Parkinson Xəstəliyi ilə Mübarizə Günüdür.

Aztibb.az xəbər verir ki, Parkinson Xəstəliyi ilə Mübarizə Gününün keçirilməsi xəstəlik barədə ictimaiyyətin məlumatlılığını artırmaq, xəstələrə və onların ailələrinə dəstək olmaq, həmçinin onun nəticələrini aradan qaldırmaq məqsədi daşıyır.

Parkinson - dayaq-hərəkət sisteminin pozulması ilə xarakterizə olunan xəstəlikdir. Ona daha çox yaşlılar arasında rast gəlinir, lakin son illər bütün dünyada xəstəliyin əlamətləri ilə daha erkən yaşlarda üzləşmək mümkündür.

Əllərin titrəməsi, hərəkətlərin ləngiməsi, sərbəstlikdən məhrumolma, ağrılar, hərəkət dinamikası və psixikanın pozulması xəstəliyin əsas əlamətləridir.

Parkinson xəstəliyindən əziyyət çəkən şəxslərin mütəmadi olaraq ərazi üzrə ilkin səhiyyə xidməti müəssisələrindəki həkim-nevropatoloqun nəzarətində olmaları, vaxtaşırı müayinə və müalicələrdən keçmələri tövsiyə olunur.