Agentlik əməkdaşları "Hemofiliyanın aktual problemləri. Ekspertlərin zirvə toplantısı" adlı beynəlxalq konfransda iştirak ediblər
08.04.2024 15:56
İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli və departamentin əməkdaşları "Hemofiliyanın aktual problemləri. Ekspertlərin zirvə toplantısı" adlı beynəlxalq elmi-praktiki konfransda iştirak ediblər.
 
Agentlikdən Aztibb.az-a verilən məlumata görə, 17 Aprel - Ümumdünya Hemofiliya Gününə həsr olunan tədbir AR Səhiyyə Nazirliyinin dəstəyi və Ə.Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) təşkilatçılığı ilə keçirilib.
 
TƏBİB-in icraçı direktorunun müavini Anar İsrafilov və digər rəsmi qonaqların da qatıldığı tədbirdə ADHTİ-nin rektoru, professor Nazim Qasımov, Türkiyə Cümhuriyyəti İstanbul Universitetinin rektoru, professor Bülent Zulfikar, Rusiya Federasiyası Milli Hematologiya Tədqiqat Mərkəzi Hemostaz bölmə rəhbəri, professor Nadejda Zozulya, Rusiya Federasiyası Seçenov adına Moskva Tibb İnstitutu Klinik transfuziologiya kafedrasının müdiri, professor Əliheydər Rəhimov məruzələrlə çıxış ediblər.
Səadət Məmmədova
Müəllifin digər yazıları