Paytaxtda fəaliyyət göstərən ixtisaslaşmış tibb müəssisələrində icrası mümkün olan bir sıra mürəkkəb əməliyyatlar artıq region xəstəxanalarında da uğurla icra olunur.

Qusar Rayon Mərkəzi Xəstəxanasında ilk dəfə qida borusunun nəhəng diafraqma yırtığının laparoskopik yolla əməliyyatı icra olunub.

Xəstəxanadan Aztibb.az-a bildirilib ki, ilk dəfə 70 yaşlı pasiyent üzərində həyata keçirilən əməliyyat ümumi cərrah Kamil Hacıyev, həkim-cərrah Qasım Qəribov, həkim-cərrah Orxan Qurbanov, həkim-cərrah Rəsul Yarmətov və həkim-reanimatoloq-anestezioloq Qüdrət Qəribovun iştirakı ilə icra olunub.

5 saata yaxın davam edən əməliyyat uğurla başa çatıb. Xəstənin hazırki vəziyyəti qənaətbəxş qiymətləndirilir.