Respublika Neyrocərrahiyyə Xəstəxanasına başında olan şiddətli ağrı, gicəllənmə və halsızlıq şikayətləri ilə müraciət edən 63 yaşlı qadın pasiyent uğurlu əməliyyatdan sonra ambulator müalicə üçün evə buraxılıb.

 

Bu barədə Aztibb.az-a Xəstəxanadan məlumat verilib.

 

Bildirilib ki, 63 yaşlı pasiyent uzun müddətdir davam edən baş ağrıları, gicəllənmə, halsızlıq və bunlara bağlı olaraq nitqində çətinləşmə, sağtərəfli əl və ayaqda zəiflik şikayətləri ilə Respublika Neyrocərrahiyyə Xəstəxanasına müraciət edib. MRT müayinəsinə əsasən sol gicgah təpə paylarında extraaxial törəmə (meningioma) aşkar edilib.

 

Pasiyent Rövşən Bağırov və Şəhriyar Səlimli tərəfindən uğurlu əməliyyat olunaraq (şiş total xaric olunub) nevroloji defisitsiz, nitqin tam bərpası, sağtərəfli əl və ayaqda olan zəifliyin yaxşılaşması ilə evə yazılıb.