Xəstə 5 gün əvvəl qızının bağışladığı qaraciyərin sağ payı ilə yenidən həyata bağlanıb.

 

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov sosial şəbəkədə məlumat paylaşıb.

Həkim bildirib ki, ciddi portal vena trombozu (Yerdel klassifikasiyası Grade 3), eyni zamanda sirrozun yaratdığı ciddi ağırlaşmaları olan xəstənin əməliyyat zamanı portal venası tam açılaraq normal qan axını bərpa edilib:

 

"Əməliyyatdan 4 gün sonra donoru evə göndərdik, hər şey yolunda gedərsə yaxın günlərdə xəstəni də evə göndərməyi planlaşdırırıq".

 

Tariyel Nadirov əməliyyatda əziyyəti olanlara təşəkkür edib.

 

Qeyd edək ki, portal vena trombozu qaraciyər köçürülməsi əməliyyatlarının ən sıxıntılı tərəfidir. (Sirrozlu xəstələrin 25-30 % də portal vena trombozu rastlanır).