Leyla Qaçaylı Mərkəzi Gömrük Hospitalının Mama-ginekologiya şöbəsində normal və patoloji hamiləliyin təqibi, normal fizioloji və cərrahi doğuşlar, uşaqlıq yolunun və uşaqlıq boynunun patalogiyası, diaqnostikası və müalicəsi, histeroskopiya, konservativ və cərrahi ginekologiya, sonsuzluğun diaqnostikası və müalicəsi, estetik ginekoloji əməliyyatların həyata keçirilməsi ilə məşğul olur.

 

O, öz peşəsini sevən, özünə qarşı tələbkar, tibb elminin son nailiyyətlərini izləyən, dünya mətbuatında öz sahəsi ilə bağlı yenilikləri işində tətbiq edən yüksəkixtisaslı mütəxəssisdir. 2016-cı ildə Bakıda Diaqnoz Tibb Mərkəzinin təşkilatçılığı ilə “Uşaqlıq boynu patologiyası və kolposkopiya” kursunda və Almaniya-Azərbaycan Tibbi Əməkdaşlıq Assosiasiyası ilə Almaz Akademiyası Tibbi Tədris Mərkəzinin təşkil etdiyi “Laparoskopik ginekologiya və histeroskopiya” kursunda, 2017-ci ildə Bakıda Almaniyanın Frayburq Akademiyasının MEDIZIN GmbH-in təşkilatçılığı ilə “Ultrasonoqrafiya” təlimində, 2018-ci ildə Bakıda Histeroskopiya və Minimal İnvaziv Cərrahiyyə Akademiyasının təşkilatçılığı ilə “Histeroskopiya” kursunda və 2019-cu ildə Bakıda Azərtürkmed lazer klinikasının təşkilatçılığı ilə keçirilən “Lazer və estetik ginekogiya” üzrə təlimdə iştirak edib.