İsrail qüvvələri Qəzza zolağının ən böyük sağlamlıq kompleksi olan Şifa xəstəxanasını zəbt etdikdən 14 gün sonra bütün xəstəxananı yerlə-yeksan edərək geri çəkilib.

Aztibb.az medimagazin.com.tr-yə istinadla bildirir ki, nəticədə onlarla insan ölüb.

Şahidlər ifadələrində İsrail ordusunun qüvvələrinin Şifa xəstəxanası və ətraf qəsəbələrdən tamamilə geri çəkilərək Qəzza şəhərinin cənub-qərbində Tel əl-Heva bölgəsinin cənubuna getdiyini bildiriblər.

Hadisə şahidləri İsrail qüvvələrinin geri çəkilməzdən əvvəl Şifa xəstəxanasının bütün binalarını yandırdıqlarını və tamamilə istifadədən çıxardıqlarını, xəstəxananın cərrahiyə binasının döşəmə və otaqlarını tamamilə dağıtdıqlarını, əsas qəbul və qəza binasını yandırdıqlarını deyiblər.