Mərkəzi Gömrük Hospitalının yüksəkixtisaslı invaziv kardioloqu Şəhla Ağayeva - Həkimlərimizi tanıyaq!
02.04.2024 17:33
“Həkimlərimizi tanıyaq!” rubrikamızda Sizə Mərkəzi Gömrük Hospitalının Kardiologiya şöbəsinin yüksəkixtisaslı invaziv kardioloqu Şəhla Ağayevanı təqdim edirik.
 
O, 2017-ci ildə Azərbaycan Tibb Universitetinin Müalicə işi fakültəsini bitirib, 2017-2021-ci illərdə Azərbaycan Tibb Universitetində kardiologiya ixtisası üzrə rezidentura təhsili alıb. O, 2021-2022-ci illərdə özəl tibb müəssisəsində invaziv kardioloq vəzifəsində çalışıb, 2022-ci ildən Mərkəzi Gömrük Hospitalının Kardiologiya şöbəsində invaziv kardioloq kimi fəaliyyət göstərir.
 
Şəhla Ağayeva Mərkəzi Gömrük Hospitalının Kardiologiya şöbəsində EKQ, Holter monitorinqi, Fiziki yük sınağı (Stress test), Exokardioqrafiya, Stress Exokardioqrafiya, Ambulator qan təzyiqi monitorizasiyası, Kardioversiya, Koronar angioqrafiya, PTKA (Perkutan trans luminal angioplastika), Koronar angioqrafiya + bypass kontrolu, Periferik angioqrafiya, periferik angioplastika və digər prosedurları həyata keçirir.
 
Həkim dünya mətbuatında kardiologiyaya dair ən yeni nailiyyyətləri izləyən və praktikada tətbiq edən, Azərbaycanda, Türkiyədə və Fransada keçirilən forumlarda, konfranslarda yaxından iştirak edən, bilik və bacarıqlarını artıran invaziv kardioloqdur.
 
 
 
Belə ki, Şəhla həkim 2021-ci ildə Türkiyənin İstanbul şəhərində Türk Kardioloji Dərnəyinin təşkilatçılığı ilə keçirilən 28-ci Milli Kardioloji Toplantıda, 2021-ci Fransanın Rouen şəhərində Rouen-Normandiya Universitetinin təşkilatçılığı ilə keçirilən “TF-TAVİ Minimalist yanaşma” təlimində, 2022-ci ildə Qazaxıstanda, Milli Tədqiqat Kardio-cərrahiyyə Mərkəzinin təşkilatçılığı ilə keçirilən “TAVİ əsasları və THV elmi, kliniki yeniləmə” təlimində iştirak edib.
 
O, Azərbaycan Kardiologiya Cəmiyyətinin və Avropa Kardiologiya Cəmiyyətinin üzvüdür. 
Nərgiz Qəhramanova
Müəllifin digər yazıları