Son sutkada Qırğızıstanda COVID-19 koronavirusuna 967 nəfər yoluxub. Onlardan 238-i Bişkekdə qeydə alınıb.

Aztibb.az xəbər verir ki, bu barədə Qırğızıstan Koronavirusla Mübarizə üzrə Respublika Qərargahı məlumat yayıb.

Məlumatda bildirilib ki, bununla da indiyədək ölkədə virusa yoluxanların sayı 30 min 326 nəfərə çatıb. Son sutka ərzində 46 nəfər, ümumiyyətlə isə 1169 xəstə bu virusdan ölüb.

Hazırda xəstəxanalarda 13 min 201 pasiyent müalicə olunur.

Qeyd edək ki, Qırğızıstanda bu sahədə vəziyyətin gərgin olduğunu nəzərə alan Rusiya Federasiyası ötən gecə ölkəyə 50 həkimdən ibarət qrup, həmçinin humanitar yardım göndərib. Dünən isə Bişkekə Rusiyanın hərbi həkimlərindən ibarət briqada gedib.