Xroniki subdural hematoma diaqnozu qoyulan Argentinanın "Ximnasiya və Esqrima" futbol komandasının baş məşqçisi Dieqo Maradona əməliyyat olunub.

Aztibb.az xarici mətbuata istinadən xəbər verir ki, 60 yaşlı mütəxəssisin əməliyyatı uğurlu keçib.

Futbolçunun həkimi Leopoldo Luke xəstənin durumun yaxşı olduğunu bildirib: "Əməliyyat 120 dəqiqə çəkdi. Hər şey normal və fəsadsız başa çatdı".

Qeyd edək ki, Maradona sonuncu dəfə oktyabrın 30-da "Ximnasiya və Esqrima" komandasının "Patronato"nu 3:0 hesabı ilə yendiyi çempionat matçında ictimaiyyət qarşısına çıxmışdı. O, özünü pis hiss etdiyi üçün qarşılaşmanı sonadək izləməmişdi. Sabiq hücumçu paytaxt Buenos-Ayresdən bir saatlıq məsafədə olan klinikaya yerləşdirilmişdi.