40 günlük körpə qasıq nahiyyəsində böyük ölçülü şişkinliklə valideynləri tərəfindən Mərkəzi Klinikaya gətirilib.
Aztibb.az xəbər verir ki, bu barədə nınmış uroloq, uşaq cərrahı Günel Əmiraslanova sosial şəbəkədə məlumat paylaşıb.
O, bildirib ki, doğulduğundan bəri bu problem uşağı davamlı narahat etdiyi üçün yaşadıqları uzaq şəhərdən Mərkəzi Klinikaya müraciət ediblər. Müayinələr zamanı şişkinliyin səbəbinin qasıq yırtığı olduğu ortaya çıxıb:
"Tez-tez boğulduğu üçün məcburi 40 günlük körpəyə cərrahi əməliyyat qərarı verildi.
Əməliyyat zamanı məlum oldu ki, yırtıq kisəsi içərisində bağırsaq çıxıntısı appendiks mövcuddur.(Amyand yırtığı)
Əməliyyatı uğurlu keçdi.
Əməliyyatdan 1 gün sonra şirin uşaq tam sağlam şəkildə yaşadığı şəhərə geri qayıtdı".