Respublika Neyrocərrahiyyə Xəstəxanasına yıxılma nəticəsində xəsarət alaraq Təcili Təxirəsalınmaz Tibbi Yardım briqadası tərəfindən gətirilən 43 yaşlı pasiyent uğurlu əməliyyatdan sonra ambulator müalicə üçün evə buraxılıb.

Bu məlumat Aztibb.az-a Xəstəxanadan verilib.

Bildirilib ki, 43 yaşlı pasiyent yıxılma nəticəsində xəsarət alaraq təcili təxirəsalınmaz tibbi yardım briqadası tərəfindən Respublika Neyrocərrahiyyə Xəstəxanasına gətirilib. KT müayinəsinə əsasən pasiyentin başında basılmış qəlpəli sınıq aşkar edilib. Op. Dr. Vüsal Məmmədov tərəfindən uğurlu əməliyyat olunaraq nevroloji defisitsiz evə yazılıb.