Tanınmış ürək-damar cərrahı, Əməkdar həkim, Milli Məclisin Səhiyyə Komitəsinin sədr müavini, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, tibb elmləri doktoru Rəşad Mahmudov sosial şəbəkədə oruc tutmağın mənəvi-psixoloji tərəfləri ilə bağlı paylaşım edib.

 

Aztibb.az həmin paylaşımı sizə təqdim edir:

 

"Sizin üçün çoxlarının doğru bildiyi, əslində isə yanlış olan bəzi fikirlərə qısaca aydınlıq gətirmək istəyirəm:

 

Xəstə insanlara oruc tutmaq olmaz. Əgər yüksək təzyiqiniz, şəkəriniz varsa və ya ürəyiniz xəstədirsə oruc tutmaq təhlükəlidir!

 

Orucun orqanizmə bərpaedici (DNT) təsiri var. Orucun xərçəng hüceyrələrini hazır glikozadan məhrum edərək (normal hüceyrələrə nisbətən enerjidən daha çox asılı olduqları üçün) öldürdüyü sübuta yetirilmişdir. Həmçinin sərbəst radikalların təsirinə maneə törətdiyi bilinməkdədir.

 

Oruc tutmaq apoptozis (xəstəlikli və təhlükəli hüceyrələrin yox edilməsi) deyilən mexanizmi işlək hala gətirir. Bunu glikoneogenezis'i fəaliyətə keçirtdərək etməkdədir. Üstəlik, orucun hüceyrələri, toxumaları, orqanları, qanı yeniləyərək orqanizmi və immunitet sistemini yenidən işə salan yeni kök hüceyrələrin əmələ gəlməsinə təkan verdiyi göstərilmişdir.

 

Orucun, eləcə də planlı və istəkli aclığın ömrü uzatdığını tibb elmi sübut etmişdir. Bundan tam şəkildə faydalanmaq üçün qida rasionuna diqqət edilməsi əsas şərtdir. Ən böyük fayda isə, bir ayın sonunda çəkinin ən az 5 % azalmasıdır.

 

Deməli, oruc tutmaq sağlamlığını təmin etmək, sağlam olmaq deməkdir!"