Aztibb.az-ın məlumatına görə, o, fəaliyyəti dövründə həm cərrahi əməliyyatların planını təkmilləşdirib, həm də təxminən 70 ədəd cərrahi avadanlıq icad edib. Bu avadanlıqlara cərrahiyyə əməliyyatı zamanı xəstəyə lazım olan vəziyyəti verən elektrikli cərrahiyyə stolu, xüsusi ortopedik stol, cərrahi vakuum, “Finoçietto qayçısı” və cərrahların oturarkən işləməsinə imkan verən əməliyyat masası daxil idi.

 

Enrike Finoçietto Buenos-Ayres Cərrahiyyə İnstitutunu quraraq Argentinada cərrahiyyənin tədqiqat prinsiplərini dəyişib. Həkim tələbələrinə cərrahiyyədə daha çox təcrübəyönümlü dərslərdə israrlı olub və cərrahi prosedurlarda müvafiq addımları izləmək üçün təlimatlar hazırlayıb.