İsrailin sıx hücumlarını davam etdirdiyi Qəzza zolağında Şifa xəstəxanasında tibb qardaşı Sair Debabeş və tibb bacısı Esma Caber xəstəxanada evləniblər.

Aztibb.az-ın medimagazin.com.tr-yə istinadla xəbərinə görə, təxminən bir ildir nişanlı olan və İsrailin hücumları səbəbiylə evlərini tərk edərək Birləşmiş Millətlər Təşkilatının Fələstinə Yardım və İş Agentliyinə bağlı bir məktəbə sığınan Sair və Esma üçün xəstəxanada təvazökar bir neçə dəqiqəlik mərasim təşkil edilib. 

Mərasimdə yalnız yerli əhalinin “simsimiye” adlandırdığı bir nimçə desert paylanılıb.

Tibb işçisi forması geyinərək ailə quran cütlük həmkarlarının təbrikini qəbul edib. Gənc cütlük üçün Fatihə surəsi oxunub, dualar edilib.