Cənubi Koreya hökumətin tibb fakültələrinin kvotalarını artırmaq planlarına etiraz olaraq istefa verən, fəaliyyətini dayandıran və səhiyyədə xaosa səbəb olan 4900 intern-həkimin tibbi lisenziyasının dayandırılması prosesinə başlayıb.

Aztibb.az-ın medimagazin.com.tr-yə istinadla xəbərinə görə, Cənubi Koreyanın Səhiyyə Nazirliyi bildirib ki, xəstəxanalara qayıtmalarını söyləyən xüsusi əmrləri pozan minlərlə intern həkimə tibbi lisenziyaların dayandırılması istiqamətində ilk addım olan inzibati bildirişlər göndərib.

Səhiyyə Nazirliyinin səhiyyə və tibbi siyasət departamentinin direktoru Chun Byung-wang jurnalistlərə açıqlamasında 4900-dən çox intern həkimə bildiriş göndərildiyini deyib.

Hökumət daha əvvəl tətil edən həkimlərə lisenziyalarının üç ay müddətinə dayandırılacağı ilə bağlı xəbərdarlıq etmişdi. Bu cəzanın həkimlərin mütəxəssis olmaq vaxtını ən azı bir il gecikdirəcəyi gözlənilir.