Ümumdünya Səhiyyə Təşkilatının (ÜST) bəyanatında deyilir ki, Qəzza zolağından təxminən 8 min xəstə təxliyə edilməlidir. Təşkilat bu günə qədər mühasirəyə alınan ərazidən az adamın təxliyə edilməsinin məyusedici olduğunu vurğulayıb.

Aztibb.az-ın medimagazin.com.tr-yə istinadla xəbərinə görə, ÜST-nin bəyanatında qeyd olunub ki, 8 min xəstədən 6 min nəfəri münaqişə zamanı xəsarət alıb, onların arasında travma, yanıq və amputasiya ilə çoxlu xəstələr var.

Təşkilat müharibə başlamazdan əvvəl Qəzzadan Şərqi Qüds və İordan çayının qərb sahilinə gündə 50-100 xəstənin göndərildiyini və onların təxminən yarısının xərçəng xəstələri olduğunu bildirib.