Təcili tibbi yardım briqadasının vaxtında və düzgün yardımı nəticəsində xəstənin həyati təhlükəsi aradan qaldırılıb
05.03.2024 09:43
Respublika Təcili və Təxirəsalınmaz Tibbi Yardım Mərkəzinə 03.03.2024-cü il saat 21:20 tarixində ürək ağrısı şikayəti ilə çağırış daxil olub.
 
Mərkəzdən Aztibb.az-a verilən xəbərə görə, ünvana gedən təcili tibbi yardım briqadası tərəfindən insult və şəkərli diabet xəstəsinə kəskin miokard infarktı diaqnozu qoyulub və ikinci briqada - anesteziologiya-reanimotologiya (ARB) briqadası çağrılıb.
 
Xəstə kəskin miokard infarktı, AV blokada diaqnozu ilə Kardiologiya İnstitutuna aparılıb. O, müayinələrdən keçirildikdən sonra angioqrafiya üçün Mərkəzi Klinik Xəstəxanaya hospitalizasiya olunub.
 
Təcili tibbi yardım briqadasının vaxtında və düzgün aparılan yardımı nəticəsində xəstənin həyati təhlükəsi aradan qaldırılıb. Hazırda xəstənin vəziyyəti stabildir.