Aztibb.az-a Gəncə ŞBX-dan verilən xəbərə görə, əvvəlcə şəhidlərimizin əziz xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.

 

Açılış nitqi ilə çıxış edən Gəncə Şəhər Birləşmiş Xəstəxanasının direktoru İlkin İsmayılov bildirib ki, Azərbaycan qadını bu gün müstəqil ölkəmizdə demokratik və hüquqi cəmiyyətin aparıcı qüvvəsidir, onlar zəkası və iradəsi ilə qarşıya qoyulan vəzifələrin öhdəsindən layiqincə gəlirlər.

 

“Ginekologiyanın aktual problemləri” konfransında 4 panel üzrə18 məruzə təqdim olunub. Sonsuzluq, təbii doğuş, qeysəriyyə kəsiyi əməliyyatı, uşaqlıq cismi xərçəngində müasir yanaşma, qadın xəstəliklərinin müayinə və müalicəsində tətbiq olunan yeniliklər, son tədqiqatlar barədə Bakıdan və Gəncədən olan həkim-mütəxəssislər çıxış ediblər.