Mərkəzi Gömrük Hospitalında “Yeni nəsil kalsium antaqonistilərinin arterial hipertenziyanın müalicəsində rolu” mövzusunda növbəti seminar keçirilib.

 

Hospitaldan Aztibb.az-a verilən xəbərə görə, tədbirdə mövzu üzrə məruzə ilə çıxış edən Kardiologiya şöbəsinin kardioloqu Günay Məmmədova hazırda dünyada 1 milyard hipertenziyalı xəstə olduğunu qeyd edərək, 2025-ci ildə onların sayının 1,5 milyard olacağının proqnozlaşdırıldığını deyib. O, bu xəstələr arasında hər 3 nəfərdən birini müalicə etməyin mümkün olduğunu deyərək, bu xəstəliyin insan sağlamlığı üçün yaratdığı fəsadlardan: ürək çatışmazlığından, insultdan, korluqdan, ürək-damar xəstəliklərindən danışıb.

Hipertenziyanın qlobal xəstəlik və hazırda baş verən ölümlərin əsas səbəbi olduğunu qeyd edən həkim bu xəstəliyə ciddi nəzarətin mütləq olduğunu, müalicə zamanı istifadə olunan effektiv dərman vasitələrinin düzgün seçilməsinin vacib olduğunu söyləyib.

 

Seminar tədbir iştirakçıları tərəfindən böyük maraqla qarşılanıb.