Azərbaycan Respublikası Səhiyyə Nazirliyi, Azərbaycan Tibb Universiteti, Türk Üroloji Derneği və Endouroloji Derneğinin rəsmi tərəfdaşlığı ilə keçirilən Azərbaycan Endouroloji simpoziumunda Mərkəzi Gömrük Hospitalının Urologiya şöbəsinin rəisi, uzman uroloq Bəhruz Xalıqov təqdimatla çıxış etmişdir.
Bu məlumat Aztibb.az-a Gömrük Hospitalından verilib.
3 sessiyadan ibarət simpoziumun 2-ci sessiyasında “Perkutan Nefrolitotomiya (PNL) sonrası yaranan fəsadlar və onların müalicəsi” mövzusunda təqdimatla çıxış edən Bəhruz Xalıqov perkutan nefrolitotomiya sonrası barədə ətraflı məlumat verib. O, müxtəlif ölçülü böyrək daşları üçün onun standart prosedur olmasını qeyd edib, PNL komplikasiyaların görülmə sıxlığı barədə danışıb, onların Clavien təsnifatını təqdim edib.
Bəhruz Xalıqov qeyd edib ki, Clavien təsnifatına görə xəstələrdə qızdırma və kreatinin səviyyəsində müvəqqəti yüksəlmə müşahidə olunur. Eyni zamanda, PNL zamanı qanaxmalar və digər komplikasiyalar barədə danışıb, müalicə üsullarını qeyd edib.
Təqdimat tədbir iştirakçıları tərəfindən maraqla qarşılanıb, həkim dinləyicilərin çoxsaylı suallarını cavablandırıb.