Siyəzəndə hemofiliya və talassemiyadan əziyyət çəkən uşaqlara yardım məqsədilə qanvermə aksiyası təşkil edilib
23.02.2024 12:51
Azərbaycan Respublikasının Prezidenti cənab İlham Əliyevin təsdiq etdiyi "Hemofiliya və talassemiyadan əziyyət çəkən uşaqlara qayğı" Dövlət Proqramına dəstək vermək, eyni zamanda, Birinci Vitse-Prezident Mehriban xanım Əliyevanın insanları könüllü qanvermə aksiyalarına qoşulmaq çağırışına cavab olaraq, Siyəzən Rayon Mərkəzi Xəstəxanasında könüllü qanvermə aksiyası keçirilib. 
 
Xəstəxanadan Aztibb.az-a verilən xəbərə görə, aksiya hemofiliya və talassemiyadan əziyyət çəkən uşaqlara yardım məqsədilə təşkil olunub.
 
Aksiyada Siyəzən Rayon İcra Hakimiyyətinin, hüquq-mühafizə orqanlarının, idarə, müəssisə və təşkilatların kollektivləri, eləcə də rayon sakinləri iştirak ediblər.
 
AR Səhiyyə Nazirliyi Milli Hematologiya və Transfuziologiya Mərkəzinin xüsusi tibb briqadasının həkim-hemotoloqları donorların sağlamlıq durumunu qiymətləndirdikdən sonra onların aksiyada iştirakına icazə verilib.
 
Donorlar bu cür aksiyaların keçirilməsini yüksək qiymətləndirib, digər şəxsləri də qanvermədə fəal iştiraka səsləyiblər. 
Səadət Məmmədova
Müəllifin digər yazıları