Qəzza Səhiyyə Nazirliyi İsrail əsgərlərinin geri çəkildikdən sonra əsgərləri daşıyan maşınlarla Nasser Xəstəxanasına yenidən basqın etdiyini açıqlayıb.
Aztibb.az-ın medimagazin.com.tr-yə istinadla məlumatına görə, açıqlamada İsrail işğalçı qüvvələrinin əsgərləri daşıyan 4 maşınla Nasser Xəstəxanasına yenidən basqın etdiyi bildirilib.
Qeyd olunub ki, İsrail əsgərləri uzun müddət mühasirədə saxladıqları Nasser xəstəxanasına fevralın 15-də basqın edərək xəstəxananı hərbi kazarmaya çeviriblər. Xxəstəxananın birinci mərtəbəsindəki bütün bölmələr kanalizasiya suları ilə dolub.
Nazirlikdən verilən əvvəlki açıqlamada İsrail əsgərlərinin Nasser xəstəxanasından geri çəkildiyi və xəstəxananın ətrafına yerləşdirilərək oranı mühasirəyə aldıqları qeyd edilmişdi.
