Hepatit C xəstəsi olan hamilə qadın Respublika Klinik Xəstəxanasında qeysəriyyə kəsiyi əməliyyatı ilə sağlam şəkildə övladını dünyaya gətirib. O, xəstəxanaya təşəkkür məktubu ünvanlayıb:

Aztibb.az həmin məktubu sizə təqdim edir:

"Mən, Ayşən Həbibi Hepatit C xəstəsiyəm. Hamiləliyim dövründə Akademik M.Ə. Mirqasımov adına Respublika Klinik Xəstəxanasının Patoloji-hamiləlik şöbəsinə müraciət etdim. Müayinə və müalicəm həkim Gülnur Xudiyeva tərəfindən aparılıb. Təkrar hamiləlik, uşaqlıqda çapıq, Hepatit C virusundan sonrakı qaraciyər sirrozu fonunda trombositopeniya diaqnozu qoyuldu.14.02.2024-cü il tarixində qeysəriyyə kəsiyi əməliyyatı olundum və 2 kq 800 qr çəkisində, 49 sm boyunda oğlum sağlam şəkildə dünyaya gəldi. Mənə göstərilən diqqət və qayğıya görə, xəstəxananın rəhbərliyinə və həkimim Gülnur xanıma öz minnətdarlığımı bildirirəm".