İsrail qüvvələrinin Qəzza zolağının cənubundakı Xan Yunisdə Fələstin Qızıl Aypara Cəmiyyətinə bağlı Amal xəstəxanasında 8-i tibb işçisi olmaqla 17 nəfəri saxladığı bildirilib.

Aztibb.az bu barədə medimagazin.com.tr-yə istinadla xəbər verir.

Fələstin Qırmızı Aypara Cəmiyyətindən verilən yazılı açıqlamada İsrail ordusunun Amal xəstəxanasına təxminən 10 saat davam edən basqın həyata keçirdiyi, xəstəxanada axtarış apardığı, avadanlıqları zədələdiyi, tibb işçilərini sorğu-sual etdiyi və döydüyü bildirilib.

Açıqlamada İsrail qüvvələrinin 4-ü həkim, 4-ü yaralı olmaqla, Qızıl Aypara Cəmiyyətinin 8 tibb işçisini saxladığı qeyd edilib.

İsrail qüvvələrinin, həmçinin Qızıl Aypara işçilərinin, xəstələrin və yoldaşlarının pul və əşyalarını oğurladığı, kompüter və simsiz rabitə vasitələrini müsadirə etdiyi bildirilib.

Fələstin Qızıl Aypara Cəmiyyətindən əvvəlki açıqlamada Amal xəstəxanasının 19 gündür mühasirədə olduğu və İsrail qüvvələrinin xəstəxana binasını birbaşa hədəfə aldığı söylənilmişdi.