"Həkimlərimizi tanıyaq!" rubrikasının növbəti buraxılışı
25.02.2024 10:13
"Həkimlərimizi tanıyaq!" rubrikamızın qonağı bu dəfə Məmmədov İlqar Rəşid oğludur.
 
O, 1963-cü ildə Goranboy rayonunun Qızılhacılı qəsəbəsində anadan olub. 1981-1987-ci illərdə N.Nərimanov adına Azərbaycan Tibb Universitetinin Müalicə İşi fakültəsində təhsil alıb. 1988-ci ildə Respublika Klinik Xəstəxanasında internatura keçib.
 
İlqar Məmmədov 1988-1989-cu illərdə Goranboy rayonunun Aşağı Ağcakənd kənd xəstəxanasında həkim-terapevt işləyib. 1989-1992-ci illərdə Goranboy rayonunun Veyisli kənd həkim məntəqəsinin müdiri vəzifəsini icra edib.
1992-2021-ci illərdə Goranboy RMX-da Qəbul şöbəsinin müdiri, 2021-ci ildə Goranboy RMX-da TTY bölməsinin müdiri vəzifələrində çalışıb. 2022-ci ildən Goranboy RMX-nın Poliklinika şöbəsində həkim-diyetoloq və narkoloq olaraq fəaliyyətini davam etdirir.